Cyfle i chi ddeud eich deud am eich cymuned

Mae Cyngor Tref Cricieth yn datblygu Cynllun Cymunedol newydd ar gyfer 2025-2030 i ddeall beth sy'n bwysig i chi sy'n byw yn y dref, i ymwelwyr sy'n dod yma, a busnesau a sefydliadau yn yr ardal. Bydd y Cynllun newydd yn adnabod gweithgareddau allai hybu ein tref, a pha rhai dylem ganolbwyntio arnynt ar gyfer y blynyddoedd nesaf.

Rydym eisiau gweld trigolion a busnesau'r dref yn dod ymlaen a bachu ar y cyfle yma i siapio beth fydd yn ein cynllun cymunedol.

Cyfle i chi leisio eich barn a rhannu syniadau.

Dyddiad cau yr holiadur: 28 Chwefror 2025

Sut mae gneud hyn?

• Llenwch yr holiadur ar-lein
• Dewch i sesiwn-galw-mewn yn y Neuadd Goffa dydd Sadwrn 15 Chwefror o 11yb -3yp bydd cyfle yma i weld beth sydd wedi ei gyflawni trwy ein Cynllun Cymunedol hyd yma
• Bydd gweithdy pellach nos Fercher 19 Mawrth i'r rhai sydd â diddordeb cyfrannu ymhellach at y broses o greu Cynllun Cymunedol newydd i'r dref
• Llenwch holiadur papur sydd ar gael yn rhai siopau y dref ac yn Llyfrgell Cricieth